REGA-UK dálle a benvida ao outono en Londres!
O sábado 22 de novembro xuntámonos no Claremont Project (Angel) para celebrar a Festa do Magosto 2025 
24 White Lion St, London N1 9PD
Metro: Angel (parada máis próxima)
17:00 – 21:00 h
Entrada de balde para soci@s e menores de 16 anos £3 para non soci@s
Volta a DJ Caveirinha! Seguro que lembrades os seus sets de rock bravú, punk e reggae que fixeron mover o esqueleto a nen@s e maiores. Este ano volta á Festa do Magosto cargada de ritmo e boa onda para animar a festa e para que ninguén se quede quedo! 
A cativada poderá desfrutar dunha zona creativa chea de manualidades inspiradas no outono 
O noso tradicional sorteo traerá premios sorpresa e moita emoción.
Na cantina espéravos o delicioso flan de castañas da Fina 
Teremos a mesa de intercambio de libros para quen queira levar un anaquiño de cultura galega para á casa
Pola loxistica do local, non haberá castañas asadas, pero si bo ambiente, música e ganas de pasalo ben!
O programa completo publicarase moi pronto, pero xa vos avisamos: vai ser unha festa de dez 
Non quededes na casa!