Xa é oficial a festa de celebración do Día das Letras Galegas en Londres será o vindeiro sábado 18 de maio.
REGA-UK volve organizar unha festa para conmemorar o día grande das nosas Letras por segundo ano consecutivo e vai contar de novo coa colaboración da Asociación A Caramiña, dos Galegos morriñentos en Londres, de Galego En Londres, do Galician Film Forum e de Troula .
Nesta festa a cultura e a lingua galega van ser as protagonistas. Haberá actividades para todos os públicos e idades. Imos comer, beber, xogar, cantar e bailar. Tamén haberá un recital poético e un concerto. En definitiva, imos gozar da nosa identidade na capital británica.
O evento vaise celebrar no Yaa Centre [1 Chippenham Mews, London W9 2AN] de 13 a 19 horas. As entradas son limitadas e inclúen unha tapa e unha bebida. O prezo é de £10 se se mercan con antelación ou de £12 na porta. Os menores de 15 anos entran de balde, sempre que vaian acompañados por un adulto.
Xa se poden adquirir as entradas anticipadas mediante transferencia bancaria:
Titular da conta: REGA-UK
Sort Code: 30-90-99
Número de conta: 30695760
Payee Reference: LETRAS-NOME-APELIDOS
A entrada na porta aboarase en efectivo.
Reserva a data na túa axenda e merca axiña a túa entrada! Agardámoste!