Comeza o ano académico e, en vez de clases, ofrecemos prácticas!
Sábados 20 setembro e 18 de outubro
12:00 a 17:00
Islington Townhouse, 13 Liverpool Rd, London N1 0RW
O sábado 20 de setembro inauguramos as Sesións Vermú Tradi (London Galician Sessions): unha xuntanta para tocar, cantar e bailar á galega en Londres. Reservamos o 2º piso do pub Islington Townhouse de Angel para practicar o que aprendemos durante os últimos tres anos co marabilloso Xavi Castaña.
Fomos 17 (contando os 3 marcharon antes da foto de grupo e o que fixo de fotógrafo): ex-alumnas de Londres e Oxford, socios que sempre viñan ás sesións vermú posteriores ás clases, pandeireteir@s que nos apoian en eventos durante o ano e unha nova simpatizante que se animou a cantar e tocar por primeira vez.
Son sesións abertas a todo quisque que queira pasalo ben e calquera instrumento que se queira tocar. Queremos manter viva a enerxía tradi en London e seguir tecendo a rede galega no UK. A intención é xuntarmonos un sábado ao mes: de momento temos reservas o 20 de setembro e o 18 de outubro.
Sábado 20 setembro e 18 de outubro
12:00 a 17:00
Islington Townhouse, 13 Liverpool Rd, London N1 0RW