Queres ser socio/a de REGA-UK?
Só tes que cubrir o formulario de inscrición e pagar £12. Con eses cartos axúdasnos a seguir regando cultura galega no Reino Unido:
1-REGAS CULTURA: Convérteste na nosa mecenas, apoiándonos na organización de actividades culturais e fortalecendo os lazos entre os diversos grupos galegos no Reino Unido.
2-ORGANIZAS CLASES: Axúdasnos a que poidamos ofrecer clases regulares e profesionalizadas de baile, canto e pandeireta nun local céntrico de Londres e cun profesor cualificado.
3-ARGALLAS EVENTOS: Facilitas que poidamos planificar encontros literarios e eventos coma o magosto, o entroido, as foliadas ou o Día das Letras Galegas de maneira gratuita ou moi accesible.
4-TECES COMUNIDADE: Alimentas unha comunidade diversa de galegas e galegos asentados no Reino Unido e contribúes a mantela viva, conectada e culturalmente activa.
5-DESEÑAS FUTURO: Podes influír e darlle forma ao que facemos en REGA-UK participando na nosa asemblea anual, colaborando e propoñendo ideas para seguir regando xuntas.
Se a membresía non é para ti, pero queres colaborar coa causa de REGA-UK, tamén aceptamos doazóns. O que para ti é unha cantidade simbólica, para nós significa moito. Mil grazas!
