Temos o pracer de invitarte á xornada de portas abertas de baile e pandeireta que REGA-UK celebrará en Londres (Angel, N1) o sábado 16 de setembro entre as 12:00 e as 13:00 no Upper Hall do Claremont Project Islington.
Durante unha hora poderás cantar, tocar e/ou bailar, preguntar o que che pete sobre as clases ou simplemente tomar un café con Xavi Castaña* e algunh@s d@s alumn@s que levan disfrutando das aulas dende abril de 2022.
Acabada a hora, quedaremos pola zona para tomar o vermú ou ir de picnic (dependendo da situación meterolóxica).
| Con este open day darase por inaugurado o 5º trimestre das aulas de REGA-UK, que comeza oficialmente o sábado 30 de setembro. A novidade deste curso é que nos dividimos en 2 grupos de pandeireta para adaptarnos aos diferentes niveis d@s alumn@s: iniciación e avanzado. 11:00 – 12:00: Pandeireta nivel avanzado 12:00 – 13:00: Baile (tod@s) 13:00 – 14:00: Pandeireta nivel iniciación Hai 6 sesións programadas, todas en sábado: 30 de setembro 14 de outubro 28 de outubro 11 de novembro 25 de novembro 9 de decembro O prezo do trimestre completo é £90, a pagar por adiantado na nova conta de REGA-UK (Rede Galega UK Community Interest Company): The Co-operative Bank Name: REDE GALEGA UK CIC Sort code: 089299 Account number: 67292165 |
| *SOBRE O PROFE Xavi Castaña é o noso profesor de canto e baile. Xavi aprendeu primeiro da súa avoa e despois das señoras, e algún que outro señor, que coñeceu durante os cinco anos nos que recolleu baile e cantigas por Galicia, especialmente polo sur das provincias de Ourense e Pontevedra. Estudou Etnomusicoloxía na Universidade Nova de Lisboa (UNL) e en Londres é profesor de música nun colexio de educación especial. SOBRE O SITIO A xornada de portas abertas será no mesmo local no que facemos as clases: 📍Upper Hall de Claremont Project 24-27 White Lion Street, London, N1 9PD É nun primeiro piso con ascensor (que as máis das veces non funciona). 🚇Angel (4 minutos a pé) 🚇King’s Cross St Pancras (13 minutos a pé) 🚇Highbury and Islington (20 minutos a pé) 🚍Buses 4, 19, 30, 38, 43, 56, 73, 205, 214, 341, 394, 476 |